Ғәлиә Ғәлиәскәрованың «Осорғосло бәпембәләр» китабында шиғырҙар, йомаҡтар һәм әкиәттәр тупланған. Был китапта авторҙың кескәйҙәр өсөн тыуған яҡ, тәбиғәт күренештәре, үҫемлектәр, хайуандар донъяһы, алфавит хәрефтәре, һандар тураһындағы төрлө шиғырҙары, йомаҡтары, ҡыҙыҡлы әкиәттәре тәҡдим ителә. Йыйынтыҡҡа ингән шиғырҙар бәләкәстәргә башҡорт телендә һанарға өйрәнергә, хәреф танырға, ай исемдәрен белергә ярҙамға килә. Сағыу һүрәттәр менән биҙәлгән, сифатлы аҡ ҡағыҙға баҫылған китап бәләкәстәр өсөн файҙалы һәм матур бүләк булыр, башланғыс класс уҡытыусыларының, балалар баҡсаһында эшләгән тәрбиәселәрҙең һәм ата – әсәләрҙең күңеленә хуш килер, тип ышанабыҙ.