“Һайланма әҫәрҙәр” исем туйы

      Башҡортостандың халыҡ яҙыусыһы, Салауат Юлаев исемендәге дәүләт премияһы лауреаты Ноғман Мусиндың 12 томлыҡ “Һайланма әҫәрҙәр”енең исем туйы үткәрелә. Китап уҡыусыларҙы, әҙәбиәт һөйөүселәрҙе, ғөмүмән, авторҙың ижад донъяһы менән ҡыҙыҡһыныусыларҙы “Китап” нәшриәте ойошторған күргәҙмәлә көтөп ҡалабыҙ.                                                                                                                                                                                                                        
           Сара М. Аҡмулла исемендәге БДПУ - ның 3- сө корпусында үтә.
                              Рәхим итегеҙ!

    Әгәр һинән:

     –    Бәхетлеме һин?  – тип һораһалар, нимә тип яуап бирер инең?

     Йыш ишетһәк тә, бер ҡатлы ғына яуап бирерлек ябай һорау түгел был. Сөнки кеше ғүмере гел бәхетле көндәрҙән йә өҙлөкһөҙ хәсрәттәрҙән генә тормай. Эреле-ваҡлы бәхетле минуттар хәсрәттәреңде оноттора, ҡара ҡайғылар бәхет күктәреңде ҡаплаған саҡтар ҙа була. Йәғни бәхет тә, хәсрәт тә мәңгелек түгел. Улар – әҙәм балаһын тормошҡа айыҡ күҙ менән ҡарарға мәжбүр итеүсе, тормош юлын үткәндә уңға йәки һулға ауып китмәй тигеҙлек һаҡлап атларға ярҙам итеүсе ҡөҙрәтле терәк.

    Бына шуға күрә лә әлеге һорауға:
  
     – Бәхетле, – тип яуап бирһәләр, мин был кешенең бәхетле минуттар кисереүенә ҡыуанам, ләкин ул ғүмере баҡый гел бәхет-шатлыҡтар менән генә йәшәй икән, тип уйламайым.
Кеше ғүмере бәхет һәм ҡайғыларҙан үрелгән.
                                                                                          
                                                                                                                                                                                                                  Ноғман  Мусин

26.02.2020

Возврат к списку