Кескәйҙәр өсөн «Йомро-йомро йомғағым…» (башҡорт халыҡ әкиәте) тип аталған сағыу, фәһемле ике телдәге баҫма донъя күрҙе. Китаптың һәр бите һүрәт менән биҙәлгән. Унда төшөрөлгән милли кейем-һалым, биҙәүестәр, орнамент, өйҙөң йыйыштырылышы тәнәйҙәрҙе халҡыбыҙҙың мәҙәниәте һәм боронғо көнкүреше менән таныштыра. Ә башҡорт халыҡ ижадының һутлы теле барлыҡ матурлығында яңғырап, ҡолаҡтарҙы иркәләй. Уңғанлыҡ, эшһөйәрлек, сабырлыҡ кеүек күркәм сифаттар маҡталған был китап – балаларҙы тәрбиәләүҙә ҙур ярҙамсы.

   

   Әкиәттең китапта бирелгән русса тәржемәһе кескәйҙәргә рус теле үҙенсәлектәрен төшөнөргә ярҙам итә, уларҙың һүҙ байлығын арттыра, сағыштырып уҡыу оҫталығын шымарта. 

    Баҫма мәктәпкәсә һәм кесе йәштәге мәктәп балаларына тәғәйенләнә.

   Китапты нәшриәттең фирма магазинынан (Октябрь проспекты, 2) йәки сайтынан һатып алырға мөмкин. Белешмә өсөн телефон: (347) 246-09-55.