Фәниҙә Исхаҡованың «Аҡ hәмҠара» роман-хикмәте дөйөм идея һәм сюжет һыҙаттары менән берләшкән "Юғалтылған ожмах" һәм "Яҙмыштарҙан уҙмыш бар, тиҙәр ... (ул Яҙмышты кем һуң, кем яҙған?)" әҫәрҙәрен үҙ эсенә алған трилогияны башлап ебәрә. Әҫәр бер-береһен тултырып килгән өс ҡатламдан тора – уйын-көлкөгә, юморға бай студенттар донъяһы, ил хәстәрен иңенә күтәргәр Рыҫҡужа нәҫеленең яҙмышы һәм фәлсәфәүи йүнәлеш. Бер әсәнән бер үк көндә тыуған игеҙ йәндәр холоҡ-ҡылыҡтары, булмыштары менән генә түгел, төп сығыштары менән дә икеһе ике донъянан булып сыға...