Башҡортостандың атҡаҙанған мәҙәниәт хеҙмәткәре, күренекле шағир Радик Хәкимйәндең был йыйынтығына һуңғы йылдарҙа яҙылған өр-яңы  шиғырҙары, йырҙары һәм дә төрлө йылдарҙа  донъя күргән шиғриәт һөйөүселәр тарафынан  яратып ҡабул ителгән  әҫәрҙәре тупланды. Уның шиғриәте тормошсан, төплө фекерле, ихлас хистәргә бай, илһамлы  шиғриәт ул. Рухлы, тәрән фәлсәфәгә, нескә лиризмға эйә  булған әҫәрҙәрендә шағир тыуған илгә, Ватанға, Башҡортостанға, тыуған яғына, уның кешеләренә, гүзәл тәбиғәтенә, хеҙмәткә һәм дуҫлыҡҡа дан йырлай. Шағирҙың тормош асылын, ғүмер ағыштарын,  кеше яҙмыштарын оҫта һүрәтләгән шиғырҙары, ҡайнар хисле мөхәббәт йырҙары  уҡыусыларҙа ҙур ҡыҙыҡһыныу уятыр тип ышанабыҙ.