Халҡы өсөн

Билдәле яҙыусы Ғәли Ибраһимов тураһында ҡәләмдәштәре, туғандарының иҫтәлектәре тупланған “Тарих яҙҙы - халҡын ҙурланы” йыйынтығын әҙиптең ҡыҙҙары Һөйөклө Ибраһимова менән Гүзәл Ибраһимова-Корнилаева төҙөгән. Шулай уҡ китапта Ғәли Ибраһимовтың “Кинйә” әҫәренең төп геройы хаҡындағы уйланыуҙары бирелгән көндәлектәренән өҙөк тә фәһемле булыр.
08.01.2022

Ялдарға - шәп китаптар!


Бөгөн иғтибарығыҙға 2021 йылда нәшриәттә донъя күргән "Мәктәп китапханаһы" серияһынан түбәндәге баҫмаларҙы тәҡдим  итәбеҙ. Уҡыусылар тарафынан яратып ҡабул ителгән был эскерһеҙ, матур, ихлас әҫәрҙәр һеҙҙе лә битараф ҡалдырмаҫ. Әйҙәгеҙ, һәр береһенә ҡыҫҡаса байҡау яһайыҡ.
07.01.2022

Әҙәбиәт һөйөүселәр, беҙҙең дуҫтарыбыҙ!

Хәтерегеҙгә төшөрәбеҙ: Өфө ҡалаһы, Октябрь проспекты, 2-се һанлы йортта урынлашҡан магазиныбыҙ 9 ғинуарға тиклем иртәнге 10:00-дән киске 18:00 сәғәткә тиклем төшкө
тәнәфесһеҙ эшләй. 10 ғинуарҙан ғәҙәттәге эш ваҡыты була: 9:00 - 20:00.

Бында Һеҙҙе нәшриәттә донъя күргән, төрлө йәштәге китап уҡыусыларға тәғәйенләнгән, күп төрлө йүнәлештәге баҫма һәм электрон әҙәбиәттән тыш, республикабыҙ журналдары, тыуған яҡты, милли үҙенсәлекте сағылдырған сувенирҙар, магниттар; байрамдарға, тыуған көндәргә, юбилейҙарға асылмалар, саҡырыу ҡағыҙҙары, канцелярия тауарҙары һәм әлбиттә яҡшы кәйеф көтә.

Рәхим итегеҙ!
07.01.2022

Изге доғалар

Доға кешенең ғүмер буйы таяна торған изге терәге. Һәр иманлы кешегә доғаларҙы ятлап, уҡып йөрөү ғибәҙәттер. Сөнки доға - ғибәҙәттең төп нигеҙе.
Был баҫмала төрлө ваҡыттарҙа (юлға сыҡҡанда, намаҙҙан һуң, бала тыуғанда һ.б.) уҡыла торған доғалар, сүрәләрҙең бер нисәһе тупланды. Башта ғәрәпсә яҙмаһы, унан башҡортсаға яраҡлаштырылған әйтелеше һәм тәржемәһе бирелде. Бәләкәй кенә китапсыҡ үҙең менән алып йөрөүгә уңайлы. Кәрәк саҡта һәр саҡ асып уҡырға була. Ошо изге ҡулланма уға эйә булған һәр уҡыусыбыҙға таяныс һәм ярҙамсы булыр.
06.01.2022

Ял минуттарында

Был китаптар сағыу, үҙенсәлекле  сюжеттары, матур һүрәттәре менән бер- береһенән айырылып тора. Бала саҡта күптәр яратып уҡып үҫкән әкиәттәр, фәһемле хикәйәләр, матур шиғырҙар һәм башҡа файҙалы мәғлүмәттәр ял минуттарында ғаилә менән уҡыу ,фекер алышыу өсөн бик шәп мөмкинлек бирер.
05.01.2022

Йәш әҙибәнән хәтәр шәп китап!

  Китапта авторҙың "Һауалағы торна артынан йәки Артыҡбикә", "Таш ҡала әкиәттәре" исемле повестары, "Һырттан килгән ике һын", "Авокадо менән тултырылған кальмар", "Көсһөҙ кеше", "Яңы йылға Ҡарһылыу ғына етмәй ине" һәм башҡа ҡыҙыҡлы хикәйәләре тупланған.
04.01.2022

Каникулға яңы китаптар

Китап уҡыусыларыбыҙҙы  2021 йылда  нәшриәттә донъя күргән  баҫмаларыбыҙ менән таныштырыуыбыҙҙы дауам итәбеҙ. Сираттағыһы - талантлы яҙыусы, журналист, “Ағиҙел” журналының баш мөхәррире Мөнир Ҡунафиндың “Шаҡмаҡ ҡояш” исемле китабы.
04.01.2022

Көтөп алынған китап

Нәшриәттә талантлы шағир Рәми Ғариповтың китап уҡыусыларыбыҙ тарафынан күптән көтөп алынған  "Сыңрау торна" исемле шиғырҙар һәм поэмалар йыйынтығы баҫылып сыҡты.
03.01.2022

Эй китап

Бөгөн шағир Шәйехзада Бабич тыуған көн. Моңло итеп мандолинала уйнаған, башҡорт халыҡ йырҙарын иҫ киткес матур башҡарған, сатира һәм юмор оҫтаһы булараҡ та билдәле булған шағир, үҙенең ижадында азатлыҡҡа, рух ныҡлығына әйҙәй.

02.01.2022

Ҡөрьән - мосолмандарҙың иң ҡәҙерле, иң изге китабы

Үҙенсәлекле фәнни-фәлсәфәүи һәм хоҡуҡи әһәмиәткә эйә булған был ҡомартҡы Ислам динен тотҡан халыҡтар өсөн генә түгел, бәлки бөтә донъя мәҙәниәтенә һәм мәғрифәтенә бик ҙур йоғонто яһаған, тиңдәше булмаған әҫәр.


Әлеге баҫмала Сәғүд Ғәрәбстанында нәшер ителгән Ҡөрьәндең фотокүсермәһе, ғәрәп тексы һәм уның хәҙерге башҡорт яңғырашына ярашлы транскрипцияһы һәм башҡортсаға тәржемә бирелгән.
02.01.2022