Башҡортостан Республикаһының Мәғариф министрлығы тарафынан 2021 йылдың 5 апреленән 19 майынаса «Һаумы, һаумы, әкиәт!»донъя халыҡтары әкиәттәрен йәш башҡарыусылар төбәк-ара конкурсы иғлан ителгәйне. Ул  VI Бөтә донъя фольклориадаһына арналды.

  5 – 26 апрелдә Конкурстың беренсе этабы үтте. Унда республикабыҙҙан һәм күрше төбәктәрҙән (Татарстан Республикаһынан, Ырымбур, Силәбе, Һамар, Перьм өлкәләренән)  мәктәп, өҫтәмә белем биреү ойошмаларынан  1-4 класс уҡыусыларының 347 эше ҡабул ителде.

  19 майҙа  онлайн форматта Конкурстың икенсе этабы үтте.

  1 июнь иртәнге сәғт 9:00 –  ҙа Яҡутов исемендәге  паркта Конкурстың йомғаҡлау өлөшө үткәреләсәк.

  Сарала Зәйнәб Биишева исемендәге Башҡортостан “Китап” нәшриәте китап күргәҙмәһе менән ҡатнашасаҡ. Унда башҡорт телендә нәшер ителгән әҙәби баҫмалар, уҡыу-методик ҡулланмалары һәм балалар әҙәбиәте һатыуға сығарыласаҡ. Рәхим итегеҙ!