Ғалим - әҙәбиәт белгесе, Башҡортостан Республикаһы Фәндәр академияһының мөхбир ағзаһы, филология фәндәре докторы, профессор, Башҡортостан Республикаһының атҡаҙанған фән эшмәкәре, Салауат Юлаев ордены кавалеры Ғиниәтулла Сафиулла улы Ҡунафинға 75 йәш. Ғалим дәреслектәр, уҡыу ҡулланмалары авторы, Мөхәмәтсәлим Өмөтбаев, Мифтахетдин Аҡмулла кеүек күренекле мәғрифәтселәрҙең тормошон һәм ижадын өйрәнә.

Ғиниәт Ҡунафин билдәле тел белгестәре, мәртәбәле профессорҙар тарафынан яҙылған өс томлыҡ "Башҡорт теле грамматикаһы"ның яуаплы мөхәррире.
"Башҡорт теле грамматикаһы"ның беренсе томы фонетика, графика, алфавит, орфография, орфоэпия, морфемика, морфонология, һүҙьяһалышты үҙ эсенә алһа, икенсе томы морфология, ә өсөнсөһө синтаксис бүлеген ентекләп асып бирә.