Зәйнәб Биишева исемендәге Башҡортостан “Китап” нәшриәте китап һөйөүселәрҙе яңы матур баҫмалар менән ҡыуандырыуын дауам итә. Ошо көндәрҙә бәләкәстәр өсөн “Ҡамыр батыр” китабы донъя күрҙе.

Әкиәт – ул баланың тәүге тәрбиәсеһе. ,,Ул балаға иң аңлайышлы донъя”, - тип әйткән халыҡ шағиры Рәми Ғарипов. Ғөмүмән, әкиәт изгелеккә һәм ғәҙеллеккә өйрәтә, балала үҙ-үҙенә ышаныс тәрбиәләй, ябай ғына формала тирә-яҡ донъяны тойоп-белергә ярҙам итә.

Матур һүрәттәрҙән, һәм, әлбиттә, фәһемле, батырҙар тураһындағы халыҡ әкиәте ингән был китапсыҡ ошо көндәрҙә һатыуға сығарыласаҡ.