Сираттағы  яңылығыбыҙ менән уртаҡлашырға ашығабыҙ - ошо көндәрҙә Зәйнәб Биишева исемендәге Башҡортостан "Китап" нәшриәтендә Башҡортостандың халыҡ шағиры, прозаик, журналист һәм тәржемәсе Рауил Шаммастың сираттағы баҫмаһы -  "Һайланма әҫәрҙәр" йыйынтығының  III томы донъя күрәсәк.

Был томлыҡҡа яңы һәм төрлө йылдарҙа  ижад ителгән шиғырҙары, поэмалары, әкиәт-поэмалары ингән. Уларҙа әҙәбиәтебеҙ аҡһаҡалының  тәрән фәлсәфәһе, нескә лирикаһы, үҙенсәлекле образдары, көслө характерҙар бәрелеше, тормошсан геройҙары менән танышыр нәфис һүҙ һөйөүселәр.

Был китап оҙаҡламай китап магазиндарына һатыуға сығасаҡ.