Тамара Искәндәриәнән “Һайланма әҫәрҙәр”

  Шиғриәт һөйөүсе дуҫтарыбыҙ өсөн сираттағы шәп яңылығыбыҙҙы еткерәбеҙ – ошо көндәрҙә шағирә, драматург һәм журналист Тамара Искәндәриәнең (Юлдашева) “Һайланма әҫәрҙәр” исемле шиғырҙар һәм поэмалар йыйынтығы донъя күрәсәк һәм һатыуға сығасаҡ.

  Тамара Искәндәриә ижады – хәҙерге башҡорт шиғриәтенең аҫыл өлгөләренең береһе. Замандың фәлсәфәүи  һынланышы ла, халҡыбыҙ тарихын айбарлы  йөрәк менән байҡау ҙа, тормошҡа, Ер-һыуға, һөйгән йәренә тәрән мөхәббәт тә һуғара уны. Уҡыусыға был баҫма илһамлы мәлдәр бүләк итер.
26.08.2021

Возврат к списку